హైదరాబాద్‌: ప్రజాశాంతి పార్టీ అధ్యక్షుడు, ప్రీచర్ కేఏ పాల్‌పై పంజాగుట్ట పోలీసులు లైంగిక వేధింపుల కేసు నమోదు చేశారు. ఆయన ఆఫీసులో పనిచేసే ఓ మహిళ ఫిర్యాదు ఆధారంగా ఈ చర్య తీసుకున్నారు.
Thank you for reading this post, don't forget to subscribe!ఫిర్యాదుదారిణి ఆరోపణల ప్రకారం, కేఏ పాల్ వాట్సాప్‌లో అసభ్యకరమైన సందేశాలు పంపినట్లు, ఆఫీసులో అనుచితంగా తాకడం, శారీరక దూరం పాటించకపోవడం, లైంగిక అనుకూలతలు కోరడం, తనను బలవంతంగా బట్టలు విప్పేలా ఒత్తిడి చేయడం వంటి వేధింపులు చేసినట్లు తెలిపారు.
ఫిర్యాదును స్వీకరించిన షీ టీమ్స్, దానిని పంజాగుట్ట పోలీసులకు పంపించగా, పోలీసులు కేఏ పాల్‌పై BNS చట్టంలోని 75, 76, 78 సెక్షన్ల కింద కేసు నమోదు చేశారు. ఇందులో లైంగిక వేధింపులు, అనవసరంగా శారీరకంగా తాకడం, అసభ్యకరమైన సందేశాలు పంపడం, వెంటపడడం, ఆన్‌లైన్‌లో పర్యవేక్షించడం వంటి ఆరోపణలు ఉన్నాయి.
దర్యాప్తు భాగంగా బాధితురాలి మొబైల్‌ ఫోన్‌ను స్వాధీనం చేసుకుని, టెక్నికల్‌ సాక్ష్యాల కోసం FSLకు పంపినట్లు పంజాగుట్ట SHO బండారి శోభన్ వెల్లడించారు. కేసు ప్రస్తుతం దర్యాప్తులో ఉందని పోలీసులు తెలిపారు.
